{"id":101,"date":"2008-01-01T08:00:33","date_gmt":"2008-01-01T08:00:33","guid":{"rendered":"https:\/\/jc4ever.co.za\/?p=101"},"modified":"2022-03-16T09:28:44","modified_gmt":"2022-03-16T09:28:44","slug":"islamabad","status":"publish","type":"post","link":"https:\/\/jc4ever.co.za\/?p=101","title":{"rendered":"Islamabad"},"content":{"rendered":"

January 2008<\/h2>\n

 <\/p>\n

 <\/p>\n

Ek het die vooreg gehad om namens my werk Islamabad, Pakistan te besoek. Nadat ons vir een en halwe jaar in Dubai \u2018gestrand\u2019 was, was dit \u2018n wonerlike ervaring om weer in \u2018n normale land te kon wees. Ek beskou \u2018n land as normaal as daar \u2018n verskydenheid is, arm en ryk, normale plantegroei en vriendelike mense. Dit het ek als beleef in Pakistan. Ek het \u2018n rook area filtreer systeem geinstaleer by die lughawe en was omtrent so 2 weke daar in 2 besoeke. Later was \u2018n 3de besoek ook nodig en dit was gedurende my verjaarsdag. Ek het dit gesien as \u2018n groot se\u00ebn, aangesien ek my verjaarsdag in \u2018n normale land kon vier.\u00a0Met daardie besoek het Charmaine saamgekom en ons het 3 dae vry gehad om die area te verken.\u00a0\u00a0Islamabad het my getref as \u2018n pragtige stad met baie vriendelike mense.\u00a0Daar is ook heelwat christene, soos \u2018n paar taxi bestuurders trots met my gedeel het. Die dag voor my verjaarsdag het ons \u2018n taxi gevat na Muree, \u2018n dorpie so 50km noord van Islamabad. Op pad het die taxi eers vol gas gemaak, ja gas.\u00a0\u00a0Die motors daar is omtrent almal baie klein (Suzukis) en ry met gas, soos vurkhysters in Suid Afrika. Daar is ook petrol beskikbaar, maar is baie duurder as die gas. Op pad na Muree klim die pad al kronkelend teen die berg uit, so 1000m ho\u00ebr as Islamabad. Die uitsigte was pragtig. Toe hy ons daar aflaai het ons so bietjie rondgeloop en \u2018n goedkoop slaapplek gesoek, en een gevind langs \u2018n Rooms Katolieke kerk gebou.<\/p>\n

 <\/p>\n